Nere mendiyak
Echegaray, Karmelo
Jaunak emanik dauzka
Euskaldun erriyak,
Lerden jaikitzen diran
Mendi goyantiyak:
Indartzen dituela
Barrendik burniyak,
Mendi oriyek dira
Umanten mendiyak.
Benaz maite zaituztet
ĄO mendi santuak!
Seaska ta obitzat
Guretzat sortuak:
Zuentzako ditut nik
Ditudan kantuak,
Zuek ikusirikan
Barrenen jayuak.
Mendi goiyak dirade
Zeruronz jaikitzen,
Euskal-lurra dutela
Maitaro gordetzen:
Laņoaz gaņetikan
Zaizkigu agertzen,
Biotza berengana
Gozoro jasotzen.
Zuen artean jayo
Geraden jendeak,
Zuengana nai degu
Joan, mendi maiteak:
Guretzako zaudete
Doaiyez beteak,
Poza ematen digu
Zuek ikusteak.
Euskara entzuten da
Zuen inguruan,
Euskara baita zuen
Azpiko chokuan:
Oyarzunak esnatzen
Euskara-soņuan,
Zuek elkar-mintzatzen
Euskara gozuan.
ĄMendi nereak! zutik
Zaudeten artean,
Euskara ez da galduko
Aitorren lurrean:
Eta egun obeak
Lur au alaitzean,
Zorionez biziko
Gera mendipean.
|