Nafarroari

Echegaray, Karmelo

 Armetan daukazkitzun kate sendoak

 Ez dira iñor lotzeko zuk or jarriyak:

 Dira mairu gogorrai kendutakoak,

 Libre bizi zitezen kristau erriyak:

 Orregatik Nabas-en zure besoak,

 Beti indartsuak, beti garailariyak,

 Ziran sekula baño gogorragoak,

 Ziran mairuentzako chimist sutiyak...

 ¿Nota aztu egun artan, denak azkarrak,

 Lagun zirala Nafar ta Bizkaitarrak,

 Lagun Gipuzkoakoak eta Arabarrak?....

 Denak anaiyak... ¡Denen biotz nobleak

 Sutzen zituen ¡aurrera! esateak!

 ¿Ez gera izango beti elkar maiteak?