Munduari. (Amalauduna)

Echegaray, Karmelo

 Zenbat joaten diraden, zur-egiñikan,

 Atsegiñen ondoren, zugan, mundua!

 ¡Zenbat itzultzen diran, samindurikan

 Sentitutzen dutela biyotz otztua!

 Len zijoazen pozez, pentsaturikan

 Arkituko zutela zugan gozua;

 Gaur datoz atsekabez, ikusirikan

 Zugan ez dagola poz egiyazkua.

 Beren biyotza len zan errugabea;

 Larrosaturik zegoen berentzat dana;

 Gaur biyotza daukate miñez betea;

 Pena beti dijoa ¡bai! berengana...

 ¡Mundua! zera guziz eskergabea...

 ¡Doatsua zugandik aldentzen dana!