Moraza-ri! Bere eriotzaren 7garren urteurrenean
Echegaray, Karmelo
Zelaiyetan zimeldu ziradenean
Apaińgarritzat zeuden lore galaiyak;
Igarturikan, lurra jo zuenean
Gernikan dagon aritz maitagarriyak;
Ońpeturik ikusi zituenean
Bere lege maiteak Euskal-erriyak,
Ill zińan ˇO Moraza! penen artean,
Ez aditzeagatik antsi larriyak:
Bańa gaur ikustean zoraturikan
Dabiltzala Euskaldunak, pozez beteak,
Zer galdu zan aztu-ta daudelarikan,
Zer diran pentsa gabe gaurko nekeak,
Galdetzen, det, biyotza puskaturikan:
żNon dirade ˇMoraza! zure semeak?