Mariari. Mayatz-illaren edertasunak

Echegaray, Karmelo

 Mayatz-illean zelai lorez jantziyak

 Zabaltzen dute likurt ezti gozoa:

 Arbolatik zintzillik dagon kabiyak

 Gordetzen du maitaro chori gaisoa:

 Makal-artetik doan ibai garbiyak,

 Busti ta indartutzen du gari-soroa:

 Ill eder ontan Sortitz guzti-guztiyak

 Azaltzen digu doai-mirarizkoa.

 ¿Zergatik agertzen da ni apaindurik?

 ¿Zergatikan gauzka gu chit miresturik?

 Ill au dalako Ama Mariyarena,

 Lore guztiyen Lore gozoarena:

 ¡O nere Ama maite maitagarriya!

 Zugana dijoakit biotz guztiya!