inprimatu
Garo-tartean. (Nere biotzeko adiskide Domingo Agirre-koari)
Izenburua:
Garo-tartean. (Nere biotzeko adiskide Domingo Agirre-koari)
Sinadura:
Echegaray, Karmelo
Urkizaren iruzkina:
Egilea(k):
Etxegarai, Karmelo

Argitalpena:
Euskal-Erria.
Urtea:
1891
Argitalpenaren urtea:
25
Alea:
Orrialdea:
111-112

 

 

 

 

faksimilea ikusteko


faksimilea ikusteko


Garo-tartean. (Nere biotzeko adiskide Domingo Agirre-koari)

 

Echegaray, Karmelo

 

 Emen, aritz zar baten

 Itzalpe gozuan,

 Mundutik aldegin ta

 Mendiko chokuan,

 Gañean aditurik

 Choriyak kantuan;

 Piska bat arontzago

 Dagon bordachuan,

 Arzai-mutill chiki bat

 Atsegin santuan;

 Bildots eta idiyak

 Zelai ta soruan,

 ¡Au bai dala izatea

 Euskaldun moduan!

 

 Iturriyak, arbolak,

 Zelai ta mendiyak,

 Denak dira neretzat

 Chit maitagarriyak:

 Garoa pizkortzen du

 Intz dizdizariyak;

 Bazter guziyak ditu

 Alaitzen choriyak,

 Eta betik dijoan

 Erreka chikiyak,

 Geldirik daramazki

 Bere ur garbiyak.

 

 ¡Au da pake santua!

 ¡Au da gozaera!

 Emen ez det aditzen

 Ezpada euskera:

 Eta begiratzean

 Baserri-aldera,

 Usai gozo bat dator

 Poza ematera.

 

 Usai orrek izena

 Dauka birtutea:

 Anchen dago isillik,

 Ederki gordea,

 Ala nola gordetzen

 Dan umill lorea,

 Naiz egon edertasun

 Bikaiñez betea.

 

 Euskaltasunez dago

 Au dena beterik:

 Emen ez det aditzen

 Munduko soñurik:

 Pakea, gozaera,

 Dabill nagusirik,

 Aizearen bitartez

 Bigunki esanik:

 ¡Maite! nai badezute

 Izan zorionik!

 

 ¡Maite! dio choriyak

 Arbolen gañean:

 ¡Maite! isiltasunak

 ¡Izkuntz ederrean!

 Nere biotzak, ere,

 Oyek aditzean

 ¡Maite! ¡maite! dio gaur

 Bere barrenean,

 Garo-tartean pozez

 Nabillen artean.

 


inprimatu