Gabon kantak
Echegaray, Karmelo
¿Zer zaizute, gertatzen
Arzai maiteak?
¿Zergatik zabiltzate
Pozez beteak,
Gogoz kantatzen,
Eta chirolak joaz
Ariñ saltatzen?
Belendik gatoz, pozez
Choraturikan,
Gauza miregarriyak
Ikusirikan:
¡Miragarriyak!
Gaur artean iñorchok
Ez ikusiyak.
Aur bat ikusi degu
Orain jaiyoa,
Eguzkiya dan baño
Ederragoa:
Aurcho pobrea,
Baña Zeru ta lurren
Jaun ta jabea.
Zoazte zuek, ere,
Anai laztanak
Eskeñitzera zuen
Bildots otsanak;
Auspeztutzera,
Jesus biyotzetikan
Adoratzera.
Zoazte ¡bai! zoazte;
Aingeruchoak
Kantatutzen dabiltza
Kantu gozoak
Eta Zeruak
Berak ere daude gaur
Oso poztuak.
|