|
Euskal-erriari
Echegaray, Karmelo
Aitor gure aitaren
Erri menditiya,
Lekobide jayo zan
Toki gozotiya,
Berdiņikan ez dezun
Euskaldun-Erriya,
Zuretzako da nere
Izate guztiya.
Zuretzat det biyotza,
Zuretzat gogoa;
Zugatik sentitzen det
Otsare suzkoa.
ŋNola maitako etzaitut,
Erri chit gozoa,
Izanik zure mendi
Tartean jaiyoa?
Jainkoak piztu ziran
Jayo nitzanean,
Maitetasun biziya
Nere barrunean;
Maitetasun onekin
Biyotza jaztean,
Esanaz, maitatzeko
Zu, gozo betean.
ĄErri maitea! beltzez
Zakust gaur janzirik
Zergatik agiri dan
Aritza legorrik;
Zergatik gozatzen ez
Dezun lege zarrik,
Arkitzen zeralako
Naigabez beterik.
Isurtzen zait ugari
Begitik negarra,
Ikusitzean zure
Minaren indarra;
Ikusirik aritza
Gernikan igarra,
Ikusirisk zaudela
Triste ta bakarra.
Baņa Zeruan dakust
Miņen pozgarriya,
jaunak ipiņitako
Artizar argiya;
Begiratu zayozu,
Nere sort-erriya
Gozatu dediņ zure
Naigabe larriya.
|
