Errosariyoa
Echegaray, Karmelo
Errezatzen astean
Errosariyoa,
Penik badet, nigandik
Igesi dijoa;
Ta biyotzetik gora
Datorkit malkoa,
Maitetasunak biguñ
An sortutakoa,
Maitetasuna bera
Dan beziñ gozoa.
¡O malko bedeinkatu,
Malko pozgarriya!
¡Zurekin agurtzen det
Birjiña Mariya!
¿Non lurrean arkitu
Itz bat añ garbiya,
Agurtzeko mintsuen
Ama chit eztiya,
Biguñtasuna badu
Izate guztiya?
Beti ¡Agur Mariya!
Asten naizenean,
Malkoa sentitzen det
Nere biyotzean.
Ala Errosariyo
Dena bukatzean,
Koroi bat malkoz egin
Det ¡an! barrenean,
Ipintzeko Amari
Umillki oñean.
|