Choriandra (Neska Justacho Enrile ta Arzak-ri)
Echegaray, K.
-¿Zergatik zera, chori pollita,
Egaan Zerura igotzen
Goizean, eta illundutzean
Mundua dezu lagatzen?
¿Erakusteko dituzun luma
Kizkurrak zera goitutzen?
¿Goiteriyagaz, chit arroturik,
Zera gugandik aldentzen?
-Onela zion, kardincha batek
Chorriandrari galdetzen
Onek jarririk zelai batean.
Eranzun zion kantatzen,
-Larrosaturik egun sentiya
Eder danean agertzen,
Eta gabaren argikariyak
Zaizkigunean azaltzen,
Baso gozoa, mendi maitea,
Guztiyak ditut utzitzen;
Kea bezela, nola likurta
Loreetatik dan alchatzen,
Gora, chit gora, joaten naiz, eta
Egillea det doaintzen