Aita Santuari, bere urrezko eztayetan
Echegaray, Karmelo
Badatorkigu egun gozoa:
Jesus eskuan arturik,
Aita Santuak bedeinkatzen du
Kristau-taldea maiterik:
Bazter denetan ikusten dira
Bere semeak pozturik,
Beren biyotzak, beren biziyak
Aitari eskeņi nairik.
Egun eder au iruditzen zait
Zerutar egun-sentiya,
Bere ondoren dakarkiguna
Eguzki dizdizariya:
Eguzki onek, zabaldutzean
Bere argi chit biziya,
Itz gabe digu esango, libre
Dala Pedroren ontziya.
Orregatikan, egun-senti au
Gugan denean agertzen,
Chori kantuen ordez, ditugu
Aingeru-kantak aditzen:
Orregatikan, gure pozezko
Malkoak diz-diz egiten,
Perlaen ordez Aita Onaren
Koroyan jarri ditezen.