Zortziko para la comparsa de jardineros (Nekazariak maite [Has.])

Echegaray, Jose Vicente de

 Nekazariak maite

 Degu zorzikoa,

 Dantza beste lekutan

 Ez dan modukoa:

 Kanta biotz pozgarri

 Euskal-errikoa,

 Plaza soñu egoki

 Denboretakoa.

 Emakumeak datoz

 Baratzoilleakin,

 Apainduak soñeko

 Polit berriakin:

 Plazara dantzatzera

 Soñu ederrakin,

 Eta gero echera

 Nor berearekin.

 Udaberriko dago

 Baratza gurea,

 Belar onak ugari,

 Oparo lorea;

 Usaya chit gozoa,

 Eder kolorea,

 Indarrean sustraya,

 Berde landarea.

 Belar edo lorea,

 Usai gozo fiña,

 Ispligu, albaraka,

 Arros, Mabeliña,

 Bioleta, liriyo

 Aleli, jazmiña,

 Dauka gure baratzak

 Eziñ esan diña.

 Jateko alkachofa,

 Laranjak, limoyak,

 Melokotoi, aranak,

 Gingak, gereziyak;

 Illar, baba, baberrun,

 Matsa, marrubiyak,

 Esparragoak, azak,

 Lechugak, meloyak.

 Lore, berdura, fruta

 Esan ez dan asko,

 Gure baratzan laster

 Dira agertuko:

 Beren sasoi denboran

 Diranak elduko,

 Eta oraiñ adiyo

 Emendik orduko.