Gurutze santu Lezokoaren bederatziurreneko gozoa
Echegaray, Jose Vicente
Erromerian dator jendea
Lezoko Kristorengana,
Zeren munduak ondo dakien
Chit miragarria dana:
Dijoazenak ta datozenak
Lezon daukate meaztarra,
Biotz barrendik egiņarekin
Beren damuaz negarra.
Euskal-erriko guztiak, eta
Millaka erbestekoak,
Dira Lezoko Santo Kristoren
Egiazko debotoak:
Lasterka datoz ager egiten
Pekatu antziņakoak,
Damuarekin Gurutzeari
Galdezka barkazioak.
Mutuak, gorrak, ichu ta errenak
Lezoko eleiza onetan
Ikusi dira, ez bein bakarrik,
Baņa bai asko alditan;
Itza egiten, ondo entzuten,
Argitzen, ibill lasterkan,
Fedearekin erreguturik
Santo Kristoren oņetan.
Ez da eririk, ez da gasorik
Dolore ta samiņikan,
Lezoko Kristo miragarriak
Sendatuko ez duenikan;
Denborarekin batzuek, eta
Beste asko bertatikan,
Fedearekin biotz barrendik
Umill erreguturikan.
Ichasoetan erdi itoak
Egon diraden jendeak,
Salbatu ditu milla ta milla
Gurutze Santu gureak:
Promesa egin ta ekarri ditu
Esker on eta fedeak,
Negar malkoa dariotela
Ala zar nola gazteak.
Katibuturik egon diranak
Kate burnizkoz lotuak,
Legen zauriaz denbora luzez
Urrikari bizituak:
Lezon arkitu izan dituzte
Erremedio zerukoak;
Au ta geiago egiten daki
Gurutz Santu bertakoak.
Kristaurikan dan gaiztoenak,
Biotzik dan gogorrenak,
Zeruko bide berdiņ ederra
Lezon daukate dianak:
Beterik amar mandamentuak
Kristori dagozkionak,
Bere grazia Santua laster
Betiko dauka gizonak.
Gurutze Santu miragarriak
Mundu guztian du fama,
Zeren beraren amorioak
Gordetzen duen anima:
Bitartekotzat ipiņirikan
Maria Birjiņa Ama,
Urrikiaren galdezka gaude
Gure jabe eta Jauna.
KOROA.
Lezora guazen fedearekin,
An dago Zeruko Jauna,
Gurutze baten iltzez josia,
Besoak zabal gugana.