Eguberriyetako kantak
Echegaray, Jose Vicente de
SARARTEA.
Beleneko erriyan,
Mendi, zelayetan,
Chabola, legorpe ta
Bide ingurubetan:
Aingerubak diyote
Leku guztiyetan,
Jesus jayoko dala
Gau erdi onetan.
Allegatu da bada
Gabaren erdiya,
Guazen arki dezagun
Beleneko erriya:
Bide lagun arturik
Zeruko argiya,
Guazen adoratzera
Aur jayo berriya.
ZORTZIKOA.
Ona misteriyoa
Parerik gabea,
Ona Birjiņagandik
Datorren lorea:
Jesus maitea, gure
Erredentorea,
Jaungoiko zerukoa
Lurraren jabea.
Olla Onenzaroko
Gau egun egiņa,
Ama gelditu zana
Mariya Birjiņa:
Jaunaren amoriyo
Geiago eziņa,
Guztiya deritzayo
Kristabaren diņa.
Gizon egiņik dator
Lurrera Zerutik,
Kristabaren etsaya
Garaitzeagatik:
Eziņ geiago egiņ
Lezake gugatik,
Eman dizayozkagun
Eskerrak bertatik.
Sekulako mendean
Arturik etsaya,
Jesus maitagarriyak
Gugana du deya:
Bitarte ipiņirik
Birjiņia Mariya,
Biyotzetik galdetzen
Diyogu graziya.
EUSKARICHOA.
Zorioneko gau on
Doayez betea,
Zuk ekarri gaituzu
Lurrera pakea,
Mesias egiyazko
Jaun eta jabea,
Gure Jesus, Birjiņa
Amaren semea.
|