Donostiako gazteak, langille maisuen festa
Echegaray, Jose Vicente de
Marcha.
Oraiņ urte bi etorrigiņan
Zalduniote goizean
Donostiara, andre ta gizon
Kantari eta lanean:
Aurten berriro gatoz plazara
Zanpanzart bazkal aurrean
Kanta, soņu eta dantzakiņ
Pozez umore onean.
Gurekiņ dator aita Josepe
Agure gordiņ maitea
Maisu aditu aspaldikoa
Langille paregabea;
Ona Josepe gizon zintzoa
Nagusi prestu gurea,
Nekean pizkor, jolasean zar
Eta festetan gaztea.
Belaun chingoa.
Zortzi langille maisu, guztiak gazteak
Eta emazteak,
Arintzen nekeak,
Gatoz plaza berrira umore onean,
Dantzari lanean,
Kantari nekean:
Soņubarekin gera alegre dantzatzen
Ez gera nekatzen,
Ez ere aspertzen,
Salto bada gizonak, ta andreak salta,
Egiņ lana, kanta,
Ta nekean dantza.
Iru damacho.
Donostiako festara gatoz
Berri onakiņ kantari
Emen lendanaz jakin dirala
Plazan ondo da ageri;
Infanta maitea, jayocho berria
Salbe, ta ongi etorri.
Infantachoa zeren dan jayo
Donostiako jendea
Festan egunaz, gabean festan
Dago naikeraz betea:
Atsegiņ, zorion, biotz leyaleko
Pozaren eziņ gordea.
Zortzikoa.
Zortzi ofiziotan
Degu gure lana
Atozte lenbiziko
Dendariagana:
Eramango dezute
Beti gauza ona,
Burutik oņetara
Jazteko persona.
Zapatariak ditu
Biziro sendoak
Bota ederrak merke
Eta modakoak:
Zapata polit, larru,
Oyal, sedazkoak,
Ondo errebitatu
Eta neurrikoak.
Arotzak ugari ta
Merke dauzka gayak
Egiteko apalak
Kuchak eta oyak:
Iskindogiak, mairak,
Ate, leyo, mayak,
Alki armarioak
Eta arilkayak.
Kupelgilleak ditu
Zubek serbitzeko,
Tonel, barrika, barrill
Sulla ta tiņako:
Onzi burniz josiak
Baņubak artzeko
Uztai eta zumeak
Lana egiteko.
Icharkizayak dauzka
Parol eskukoak,
Inbutu, kafe onzi,
Olio charroak:
Kandelero, neurriak,
Platerak, potoak,
Alanbre sare eta
Enzuluzechoak.
Perratzalleak bere
Ilze ta perretan,
Egitekoa urri
Dauka plaza ontan:
Baņan beti ugari
Ordu guztietan
Mandazai, idizai, ta
Ostalarietan.
Pazigilleak berak
Nai deben adiņa
Zarrak adobakitzen
Badu zer egiņa:
Chokolaterachoa,
Pertza, zartagiņa,
Pazi, tupi, kaldera
Eta kaldera.
Chorrochgillea bere
Arri leunean
Bururik jaso bage
Ari da lanean:
Eguna argitzetik
Illundu artean.
Guraize labanakiņ
Kale kantoyean.
Adio Donostia,
Aski da jendeak,
Despeditzen zaituzte
Oraiņ langilleak:
Esker onez beterik
Gizon ta andreak
Oroituko gerade
Joan arren urteak.
|