Ezti kilikiliak

 MUTILTXUAK

 -Mikel Angel Alde'ko

 bai mutil gogorra!

 Ukabillaz zartaka

 ausi dan anporra.

 -Tximutegi'n ba-dira

 kerixak ugari...

 Lapurretan ba'zoiaz,

 or da Joxe Mari.

 -Luistxu Legortzakuak

 indarretan naiko;

 otsua be ilgo leuke,

 urrian ba'leuko.

 -Ogien billa dabil

 ama sukaldian...

 Pedro Mari totolok

 ortzak sar ogian.

 -Jesus Mari lakorik

 ez dago beste bat:

 Gozokitxo guztiak

 nai ditu berentzat.

 -Errapel Gartxoneko

 gaixorik egoan;

 kilin-kilin artunda,

 arin osatu zan.

 -Kortazar'en Pedrotxok

 amaika ba-daki:

 berentzat solomua.

 Pilin'tzat saieski.

 -Ardautan Jesus Mari

 amak or bidali,

 otzaratik ardauak

 bidean igesi.

 -Juan Mari Klareneko

 eupadaka dago,

 arria jasoteko

 besterik ba'lego.

 -Tomastxu Pabiñeko

 ez da esiututen;

 totolo ta morrosko,

 beti lodituten.

 NESKATUAK

 -Baserri politean,

 goi-errian urrun,

 zugatzen gerizpian

 pozik bizi Asun.

 -Karmen Uribarrengo

 etxeko andria,

 aren pentzutan dago

 itxian guztia.

 -Maribel Larriñakok

 zeregiñik asko,

 etxian lau gizonen

 arduria dauko.

 -Anakineko Tere

 etxian txikiña;

 etxeko txikiña bai,

 ez gero ondakiña.

 -Basoko etxekuak

 ule gorritxo bi;

 eskolan ta dotriñan

 arek bai ikasi.

 -Sabiña Goi-erriko

 goitik berakua;

 zeregin guztietan

 beti da zintzua.

 -Txikiña, zuk ba-dozu

 ibilte bizkorra.

 Orbelak zuk atzetik...

 Axien gogorra!

 -Gartxoko alabia

 Errosariotxu

 ondo orraztu nai bozu,

 arrri begitu.

 -Dotriñarako giltza

 Arantzak ekarri;

 elizara lorak be

 arexek amabi.

 -Arbiondoko Mari

 or lora eskian...

 Pozik emoten deutsez

 altzuak betian.