Ezkontzeko Kontsulta.

 I

 Ezkonduak, errazue ezkonduren nizanez?

 Bazterretan ikusten tut ezkonduak nigarrez...

 Hutsik eginen othe daut hola hola egonez?

 — Hartzen baduk ederra,

 Hura dukek alferra;

 hartzen baduk gorria,

 hura dukek hordia;

 Hartzen baduk ehuria,

 Hura dukek eria...

 Ezkonduak, ezkondurik egon zaizte nigarrez;

 Eskerrak ditut Jaunari, hola hola egonez!

 II

 Ezkonduak, errazue, espos onik badenez?

 Bazterretan aditzen lut doluturik auhenez...

 Eskas handia duketa hola hola egonez?

 — Hartzen baduk ferdea,

 Oi zer joia trichtea;

 Hartzen baduk horia,

 Hilen zeraik choria;

 Hartzen baduk bel-beltza,

 Adio hire bihotza...

 Ezkonduak, ezkondurik egon zaizte auhenez;

 Eskerrak ditut Jaunari hola hola egonez!

 III

 Ezkonduak, errazue kontent zaizten bai al'ez?

 Bazterretan orhoit dira beren gazte demborez...

 Ez duta miletan hobe hola hola egonez?

 - Hartzen baduk arina,

 Bertzen dukek egina;

 Hartzen baduk tontoa,

 Galduko duk gogoa;

 Hartzen baduk habila,

 Harek dikek makila...

 Ezkonduak, ezkondurik egon zaizte mil urthez;

 Eskerrak ditut Jaunari, hola hola egonez!