Euzkadi'ko mendiak

 ORIMENDI tontorreko pagoaren puntan,

 puntaren-puntan, Ori'ko txoria kantari:

 txiruliruli-txiruliruli

 nork kantatuko ote-du soñutxo ori.

 AIZKORRI'ko tontorreko arantzaren puntan,

 puntaren-puntan, Erbi-iñudea dantzari

 trikitrikiti-trikitrikiti,

 nork dantzatuko ote-du dantza ariñ ori.

 ANBOTO'ko tontorreko arkaitzaren puntan,

 puntaren-puntan, Sorgiñak kontu kontari:

 ujujujuju-ijijijiji

 nork ixillaziko ote-du algara ori.

 ARALAR'ko tontorreko Larrunari puntan,

 puntaren-puntan, Pernando ta bertsolari;

 zuk neri ziri, nik zuri ziri,

 iñork onduko ote-du ziriket'ori.

 GORBEIA'ko tontorreko Gurutzaren puntan,

 puntaren-puntan, artzaitxo bat albokari:

 ñiruñiruñi-ñiruñiruñi,

 nortzuk sortua ote-da soñutxo ori.

 ALTOBISKAR tontorreko lepo-lepoan, 1epo-1epoan,

 Erroldan turutalari:

 tuturututu-tataratari

 Erroldan alperrik duzu turut'ots ori.