Euskaldunai euskeraz
Sarri askotan ikusten degu
Oraiņ dabillen langintza,
Etxera zerbait berri emanaz
Erderazko eskutitza.
Guraso eta senide danak
Ulertu eziņik dabiltza,
Euskaldunentzat ori bai dala
Lotsa gutxiko bizitza.
Gure ele au ezertarako
Ez omen dala diote.
Era ortako aitzakiakin
Osoro galdu nai dute;
Ames gaizto au iritxi gabe
Anka egin bearko dute.
Gure euskera ezta galduko
Lurbirak dirauen arte.
Lendabiziko jakin bear du
Bakoitzak bere izkera,
Gero bestiak nai baldin badu
Gu orren aurka ez gera;
Bata ikasi baņo lenago
Zertako juan bestera?
Geuria da ta baztertu gabe
Maite dezagun euskera.
Euskera geure geurea degu
Gorde dezagun osorik
Bazterturikan egondu da ta
Mirariz dago bizirik;
Lenagokorik guretzat iņoiz
Ezta sortuko besterik
Europan diran beste guziai
Gureak ez dio zorrik.