Errosario'ko santua

 Aintzazko siñiskaiak

 Jesus onaren Ama maitea,

 Grazia dizut eskatzen

 Bost misterio gloriazkoak

 Lagun zaiguzu esaten,

 Gogo-guztiaz esango degu

 Lenengo misterioa:

 Zuzen gaitzatzu zerura beti

 Birjiña biotzekoa.

 1.ª

 Miñen ondoren Ama maitea,

 Ikusten dezu pizturik

 Illen artetik zure Semea

 Eguzki eder egiñik.

 Agur-Marien amarrekoa.

 Aita-gureaz batean

 Birjiña eder maite berari

 Esaten asi gaitean

 2.ª

 Berrogei egun emen eginda

 Zerura igo zanean,

 Gloriaz bertan para izan zuan

 Aitak eskuiko-aldean.

 Agur-Marien...

 3.ª

 Jaun Espiritu Santua bera

 Sutan zerutik zetorren

 Apostoluak eta besteak

 Amore doaiz betetzen

 Agur-Marien...

 4.ª

 Jesus onak Zu ikustearren

 Zeruan zoriondurik

 Ara zaramaz, gorputz ta anima

 Aingeruz inguraturik.

 Agur-Marien...

 5.ª

 Trinidadeak para zinduan

 Seme jaunaren aldean.

 Zeruko Erregiñ koroiaturik

 Santu guzien gañean.

 Agur-Marien...

 Gozozko siñiskaiak

 Jesus onaren Ama maitea

 Grazia dizut eskatzen

 Bost Misterio gozoz beteak

 Lagun zaiguzu esaten.

 Gogo guztiaz esango degu

 Lenengo misterioa:

 Zuzen gaitzazu zerura beti

 Birjiña biotzekoa.

 1.ª

 Aingeru batek ekarri zizun

 Zerutikan albistea

 Zugan aragiz jantziko zala

 Jaungoikoaren Semea,

 Agur-Marien...

 2.ª

 Jainkoaren Ama eginda zoaz

 Lengusua ikustera.

 Eta San Juan jaio baño len

 Graziaz dana bete da.

 Agur-Marien...

 3.ª

 Jaio zanean zure Semea

 Ama dontzella utzirik

 Gelditu giñan guzai-guztiok

 Ondasun gozoz beterik.

 Agur-Marien...

 4.ª

 Jerusalem'go Eliz Santuan

 Jesus eskeñi zenduan...

 Eskein-gaitzazu gu ere orain

 Jaunak beretzat ar-gaitzan.

 Agur-Marien...

 5.ª

 Galdu ezkero billa-zenduan

 Eleizan zure Semea,

 Poz onegatik ez begizu nai

 Gu pekatuan iltzea.

 Agur-Marien...

 Miñezko siñiskaiak

 Jesus onaren Ama maitea,

 Grazia dizut eskatzen

 Bost misterio miñez beteak

 Lagun zaiguzu esaten.

 Gogo guztiaz esango degu

 Lenengo misterioa:

 Zuzen gaitzazu zerura beti

 Birjiña biotzekoa:

 1.ª

 Jesemani'ko baratza artan

 Auzpez lurrean-jarririk

 Zegoan Jesus odol-ixurtzen,

 Biotza berriz larririk.

 Agur-Marien...

 2.ª

 Bost milla azote artu zituan

 Gure pekatuakatik

 Zer gaitz aundia dan pekatua

 Kontu atera emendik:

 Agur-Marien...

 3.ª

 Arantza zorrotz, gogor, latzakiñ

 Koroiaturik burua

 Nunbait Jesus'ek kendu nai zigun

 Gure arrotasun itxua.

 Agur-Marien...

 4.ª

 Gurutze pixu bat lepoan ta

 Lapur gaiztoen erdian

 Eraman zuten Jesus maitea

 Kalbarioko bidean.

 Agur-Marien...

 5.ª

 Iltzez josirik ­ai! gurutzean

 Eman du Jaunak bizia,

 Gure animak salbatzearren

 Ikusi zuan guzia.

 Agur-Marien...