Erran duzun bezala.
1
Erran duzun bezala, Gratien maitia,
Eritasun bat badut nic bainitz handia;
Mafrundi eta sukharra bat eta bertzia
Deus handiric ez dire; bainan gosetia!!
2
Gaitzac ninduenean ondikotz sesitu,
Nere biziaz nuen bethikotz etsitu.
Biharamunean nintzen ohean gelditu;
Jeki nintzenekotzat bazen apetitu.
3
Barraiatu zenean gaitzaren berria,
Guziec nahi zuten ikhusi eria.
Batec erraiten zuen: "triste du begia!"
Bertzeac haren ondotic: "gaitza du handia."
4
Berac memento hartan zer zuen pentsatzen,
Adiskide maitea, ez dautzut erraiten;
Gaitza haren baitharic oraino urrun zen;
Ezen pausatu nahiz gelditua nintzen.
5
Jeki eta goan behar zen infirmeriarat,
Bainan han sartzekotzat behar zen papera:
Eman zautanean beraz Leoutrec afera,
Goan nintzen berehala erien athera.
6
Athea ideki eta nic zer dut ikhusten?
Boltichur bat lasterka ni ganat heldu zen.
Halto, adiskidea! ez duzu aditzen?
Pasaportaric gabe ez da hemen sartzen.
7
Nic orduan sakelan sartzen dut eskua,
Eta atheratzen dut paper galdetua.
Erraiten dudalaric: oi milla debrua!
Nongo presondegian othe nauc sartua?
8
Boltichurra heldu da kadira batekin.
Eta erraiten darot: jar zaite hor, Pattin.
Nic berritz errepusta: milesker kattalin,
Othoi, fite zatozkit gosariarekin.
9
Oren baten buruan huna Boltichurra.
Jauna, zer plazer duzu. tisana ala ura?
Ichil zaite, kattalin; ez naiz trufa gura;
Othoi, emadazu fite oilasko bat sura.
10
Goiza pasatu eta ethorri eguerdi:
Bainan ene oilaskoa ez baitzen ageri!
Orduan erraiten diot ene lagunari;
Sendo daitekeena ez dadila eri.
11
Eguerdi pasatu eta oren bat harekin;
Boltichurra heldu da arroltze batekin,
Erraiten dautalaric: Orizu hau, Pattin;
Ongi izanen zare gaurko zu hunekin.
12
"Zein oilarrec errun du arroltze eder hau?
Irets netzazke betan holako hamalau!
Jadanic iragan ditut aski arin hi gau;
Helduden gauarentzat marka ona duc hau!
13
Eguna pasatu eta ethorri arratsa;
Gau hartako ametsentzat ez nintzen ez lotsa.
Ez zen laster ethorri biharamun goiza;
Behiti jautsi nintzen, sendaturic ontsa.
14
Jadanic jastatu dut nic presondegi frango,
Bainan orotan bazen zerbeit asetzeko.
Goitikoan hazkar, behitikoan flako;
Ez nauc ni gehiago infirmeriarako.