Enau ni, Jauna, zu maite izateko

 Enau ni, Jauna, Zu maite izateko

 poz-alaitzen Zuk zerua agintzeak,

 ezta geroko su amai gabeak

 atzerazoten ogenak uzteko.

 Zeuk maitemindu nozu, gurutzeko

 zure lotsari ta oñazeak,

 antxe josirik ilten ikusteak

 odol ta zauriz, ni zeuregantzeko.

 Maite zaitut, ta zerurik ez arren,

 eneuke onik Zu maitatu gabe,

 zure bildur ni, inpernurik ezta be.

 Enabiltzu zure emoien pozarren;

 uste ezpaneu be ordaiñik artzerik,

 maite zinduket, maite gaur laintxerik.