Emazteki Mozkorrak.
Zembeit hitz orai ditut bertsutan ezarri
Laido egiteko andre mozkorreri.
Gizonen begietan dire higuingarri
Emanak direlakotz arras arnoari.
Egartsu tzar hori
Lothua emari
Da auhendagarri!
Eta izigarri!!
Holako amak dire urrikalgarri!!
Ikhusten tugu heltzen ostatuetarat,
Urhats bezimbat beiratuz gibelerat.
Sarthuak direnean barneko alderat,
Ez ditazke atrebi hitzez galdatzerat,
Beira begitarat,
kurri alhaserat
kikera hartzerat.
Guri gordetzerat
Opor debru hartan zer dohan triparat.
Hiru edo lau erri dituzte altchatzen,
Ostalerarekin hola elgar aditzen.
Amarru handirekin barrikarat heltzen
Hurbildu direnean kokoriko jartzen.
Han tugu ikhusten,
Hurrup, hurrupatzen;
Lauetan berratzen
Dire atrebitzen
Chutitu orduko lurrerat erortzen.
Bereak bertzerenak dituzte iresten;
Zeruaz eta lurraz, bihotzez ukhatzen,
Haurtcho gaichoez ere ez dire orhoitzen.
Bethi edanarekin dire egarritzen!
Arras alfer jartzen,
Ohoingoan lotzen,
Lohi bilhakatzen.
Hori da gerthatzen
Sudurra kikeran maiz delakotz sartzen.