Egiak

 Egiak ba-dau

 bere zauria

 gizartean.

 Zer dok gizona

 ire ortan...?

 Adiminez jaio intzan,

 egia ikusteko;

 buruak argia nai jok,

 berez, bere baitan.

 Ta gizona, noz-naitan,

 zer dok guzurretan,

 gizarte arritua,

 kezkaz dalarik

 illunpe baltzean!

 Arriak zartatu ziran,

 Kristo, egia,

 kurutzan ilkeran.

 Gaur, arriak eta lur guztia

 dardaratuta dagoz

 kistar izenagaz,

 gizon ze diranak,

 guzur bidez,

 dagiezan bearrekaz.

 Antxiña esan zendun,

 Maisu Jauna,

 ze bide emotsezaen

 zeure bialdueri.

 Geroragoko bialduak,

 Maisuaren esana

 astu egin eben,

 euren erru bage

 edo

 euren onerako begiraturik.

 Gaur, egiak

 ateak lo ditu,

 lengo jokabideak agertuz.

 Bide-barriak dakarskuz,

 ona ta txarra,

 utsa ta zintzotasuna

 obeto agertuz.