Edesti xamurra

 I.-Sarrera

 Atz artean zaukadan

 galburu guria:

 nok lekarkit niri be

 opa dodan eskarra,

 ¡oi zure zoria!

 Bizi-argi lez zaitut

 biotzean maite;

 ta, zuretzat dodaz gaur

 agur ta adi sutsuak,

 iñortxok ez beste.

 Bir-loratuarena

 zure maite-edesti:

 mamin-azal eztia,

 barne-ikaraz yosia,

 poz-zeru ta illinti.

 II.-Aurkitu

 Galdurik, ala itxia?

 Nik ez dakit ziur.

 Garia, ebagirik,

 metaetan bil eben

 biotz-esku-samur.

 Ni ara nintzanean

 zu bakar zengozan:

 solo erdian toto,

 ziñean ainbat luze,

 aurra iduri lotan.

 Yoranez makurturik

 zindudazan yaso.

 Ta zure begi eder

 Zelako matrail ori

 Zein irri-eraso.

 Ezin nik azaldu, ez,

 zure izate yori:

 galtzu gorrista mean

 eundaka garauz betea,

 txairo ta ler-zori.

 Zu atz artean tinko,

 etxera itzul nintzan;

 ta, pa gartsu emonik,

 kutxa zar lurrunduan

 gorde zindudazan.

 Sarri neban, gerora,

 zuregan oldoztu:

 ezo ta bero-alez,

 itxas-ondarra gaiña,

 nai zaitut ugaldu.

 III.-Erein

 Otzik dabil aizea;

 zugaztia soin-uts;

 orbel pillo karkabak:

 illeta-yantziz oro.

 Oi, lena ba nekus.

 Etxe zuri buruan

 dot baratz txikia;

 baita, eskumarantza,

 ene irizi emokor,

 esiz oso itxia.

 Dan-dana neban atzo

 lai zuriz irauli.

 Egia, aurki, esan au:

 lan-zorraren aldera

 neke-miña itzali.

 Gaur goizez, giro dala,

 dabilket area,

 ta nai neuke bertantxe

 irra neurtuan bota

 galazi maitea.

 -Ez lotsa izan, ez aztu,

 ene galburutxo;

 maitale dozu euzki,

 lurra sabel amakor,

 ta neu yagoteko.

 Erein... dot sail osoa.

 Bai dagola lerden

 Eguzki orrek: Oalda

 Lur amortxo: Ezotu

 Ta Zuk, Yainko: Kemen

 Gabaz izar maiteak

 -bizitz-untzi garbel

 ixil aundiz betea-

 malko-iruntza ezar dau

 zure kuma-egal.

 IV.- Yorrail-erdi

 Egunak, uste barik,

 igaroak dira.

 Bitartean, ba-dantzut

 iñoiz eskain-dei gogor

 iñoiz barne-intzira.

 Ta nik goiz epel batez

 erein galazia?

 Ez dot egundo aiztu;

 arrats-ituna beste

 bai-yata eztia.

 Negu-garaia zear

 arduraz dot zaindu:

 begi orizta yaioz,

 kurloi ta amilotxak

 ez dauste aztertu.

 Ta udabarri eltzean,

 zein mardul dagoan

 Txit eze, ta buru-zut.

 Aspaldi dauz urrungaz

 durdurak auzoan.

 Oi dauanez txilistak

 ernera ba'dagi,

 beingoan araturik,

 yorraitxo kirten zuriz

 laster dot irazi.

 Argia aitu ba'dagi

 zorapen gozoan,

 ta izarrak goian erne,

 ames-zain nagokio

 gau-aldi osoan.

 V.-Eldua

 Gogaikarri egoa;

 kimak apain ostoz;

 ardiak tilin-talan

 abaro-itzala eder.

 Garilean gagoz.

 Aizearen igurdiz

 zibuka garia;

 zidar-bitsa dario:

 laster yat orituko

 barruti guztia.

 Geroztik, zu zaintzeko,

 txoriak nik izu;

 ta leioa-alakan zut,

 maite kutsatua lez,

 adi nagokizu.

 Baita, iñoizka, zugana

 el naz ustetsua;

 eskupe guriz zaitut

 igurtzi, ta zuk pozik

 esan bide: «Eldua».

 Ta arratsalde urdin baten,

 narotua etsiz,

 neronek ebagi dot

 gari-arlo dan-dana

 itai urtu-barriz.

 Garandu zaitut urren

 arnabar gaiñean.

 Au ale-pilo gorri

 Urre-meta emoten

 altxor gilgilean.

 Zure min da sagua,

 baña nik laga ez:

 liñozko zorroetan

 biar zaitut gordeko,

 eta itxi giltzez.

 VI.-Eio

 Biran, solo txikiak;

 ezker, errekea;

 sagastiak, albora;

 muiñoan, baseleiza:

 ona nire etxea.

 Baita, eio-zaletsu,

 ba-daukat errota:

 argitan ots neurtuka,

 ta bildurkur ilunez

 dabil txalapata.

 Zorrotxoa, ostera,

 eio bitartean,

 urak me daragoio,

 xamur kanta amilotxak

 atzeko intxaurrean.

 Ene zorion bete,

 argi baizen samur

 Bein baten ames egiña

 -naimen zuri igeskorra-

 gaur mamin yat biur.

 Galburu aurkitua

 ona urun biurtu:

 edurra baizen zuri,

 argia baizen bakan;

 zerua loratu.

 Eskerrik asko, Yainko,

 bait-zara on-ona;

 ta zuri, urun garden,

 ene patxo bizia,

 kanta aiña ozena.

 VII.-Goitar Yanari

 Egunik egun argiak

 lurra oi dau mosu...

 Goizero nik eskintzen

 Gurutzeko oparia.

 Yaupari bait-nozu.

 Zu zaitut gaur, galburu,

 opagai zuria;

 atz artean zaukadaz,

 azur-mamin negola

 dardaraz yosia.

 Esan dodaz, bai esan,

 lau iztxo garbi ta usu;

 ta, lipartxo berean,

 Yaunaren Soin egizko

 zara zu biurtu.

 Nire yardun gurena

 nok adierazi?

 Goiko Yauna ikurtondu,

 eskuetan erabil,

 ezpanez onetsi.

 Ta... zure zori bete,

 galburu orrena:

 ez noski iduri-antzez,

 egiaz baiño, Soiña

 zara Kisto'rena.

 Ta Yainko-Soiña dot nik

 yanari goitarra;

 il-bearrez bizi dan

 ene izate aulari

 Ak damotsa indarra.

 Oi, on-egite aundi,

 itzez esan-gaitza

 Oi, ene Yainko Yauna,

 beukat nik aldi oro

 eskarrez biotza.

 Oi, beti al nagoke

 Zugaz alkarturik:

 Zu nigan ta ni Zugan,

 maite-ardotan murgil

 etengabe iraunik.

 VIII.-Azkena

 Beiñolaku galburu,

 Yainko-Soin egiña:

 gaurtik bego beti

 bion zin-lokarria

 iñok azke-ezina.