Zonbaitek ez jakinik
Duny-Petre, Pierre (Manech, Manex)
1
Zonbaitek ez jakinik
Chuchenki nor nizan,
Nahi nute buluzik
Ezarri argian!...
Danibanen sorturik,
Gazte joan nintzan
Garaziko herritik,
Nigarra begian.
2
Ofizioz izanik
Gobernamendian,
Eskuara beharrik
Atchiki gogoan,
izena gordeturik
Bertsuz ari nintzan,
Deitura bat bildurik
Etcheko hegian...
3
Nahi duka nunbaitik
Piarres atcheman?
Asoktan lana badik
Kaskoin irietan;
Bana heldu delarik
Herrirat batzutan,
Sartzen duk segurretik
Bere «HEGUITOA»-n.
4
Han, Eiharaberritik
Zubirat heltzian,
Etchian duk gochorik
Patar gain-gainian.
Haize hegoak eztik,
Ufa gaitz batian,
Ohono Garazitik
Zerurat ereman!...
|