inprimatu
Nafarroari
Izenburua:
Nafarroari
Sinadura:
Duny-Petre, Pierre (Manech, Manex)
Urkizaren iruzkina:
Egilea(k):
Duny-Petre, Pierre

Argitalpena:
Zeruko Argia.
Urtea:
1970
Argitalpenaren urtea:
Alea:
383-384.zk.
Orrialdea:
15

 

 

 

 

faksimilea ikusteko


Nafarroari

 

Hegitoa, Piarres

 

 Nafarroa lokartuz, menderen mendetan

 itotzera bazoan arrotzen besotan;

 Lege onak galdurik, petzero gerletan,

 Odolez gorritua beti debaldetan,

 Estekatua zagon urezko gatetan!...

 

 Tira-biran, Frantzia eta Espainia,

 Ados ezin egonez, suminduz auzia,

 Muga debru batekin hetsirik mendia.

 Bi zatiz egin zuten Nafarro handia,

 Iruņetik baztertuz ipar euskaldia.

 

 Beraz, Pe-Nafarroa, bakarrik egona,

 Axuri bat iduri, olatik joana.

 Urrikalgarria zen, galdurik artzaina,

 Kanpotik ezagutuz amaren usaina...

 Hain urbil izanikan, oi zer bihotz-mina!

 

 Uroski mandozainak, abarkak jauntzirik,

 Heldu ziren, gaizoak, mugaz bestaldetik,

 Zapet eta gerriko hunat ekarririk,

 Iruņeko berriak euskaraz emanik,

 Arri, arri, mandoko!... oihuka bidetik.

 

 Diputacion-Foral'a, eskerrak Jaunari,

 Gizon jakintsunekin lotu zen lanari,

 Laster behar zutela eman herriari,

 Edertasunarekin azkar izigarri,

 Goi-Nafarroa dadin bere gain ageri.

 

 Geroztik, ohidura dute begiratzen,

 Arbasoen euskara, mun-nahi hedatzen,

 Etxe xuri xaharrak, ederki berritzen...

 Mendirat, lantegia dute hel-arazten,

 Bas-herriko gizonek ihes ez dezaten.

 

 Egun, Aduden gaindi, beso bat bezala,

 Bide bat heldu zauku, xuxen ta zabala.

 Goi-Nafarroak badu guretzat axola:

 Xapel beltz edo gorri, ai-ei-ai mutilla!...

 Erakusten du, naski, denak bat girela.

 

 Otoiz egin dezagun, herrian sar dadin,

 Bide berri hortarik, lan, tresna, ta mozkin,

 Ontasun, jakitate, zorion, Irrintzin...

 Bainan, oroz gainetik, sekulakotz behin:

 JAINKOA, NAFARROA, LEGE ZAHARREKIN!

 


inprimatu