Eskualdun radioari
Duny-Petre, Pierre (Manech, Manex)
1
Oi! Eskuara maitia,
Botzik aditzen zitugu,
Airez aire igorria,
Eta Baionatik heldu...
-Radio miresgarria,
Eskuara mintza zazu!...
2
Orai, urrun izaitia
Naski berdin balio du:
Utzirik'ere herria
Bi beharrietan dugu!
-Radio miresgarria,
Eskuara igorrazu!...
3
Nun zira, bertsularia?
Kobla berri bat emazu,
Zeren etcheko irria
Nun-nahi intzunen dugu...
-Radio miresgarria,
Eskuara kanta zazu!...
4
Baionan, kide ernia!...
Eskerrak merechi ditu.
Emak'hor! adichkidia,
Eta programme-ri kasu...
-Radio miresgarria,
Eskuara maita zazu!...
IGORTZE
Gora Eskual-Herria!
Radio bat sortu zauku,
Ahula, bana garbia...
Araiz azkartuko dugu.
-Radio miresgarria,
Eskuara heda zazu!...
|