Biba Eskual-Herria

Zubiria, Jean Pierre (Panpilli)

 1

 Bihotzetik dugun kanta gure Eskual-Herria

 Herri goxo eta ona oi zonbat maitagarria

 Muga hortako mendietan bi aldetara jarria

 Beti gazte eta ederrik zer leku xoragarria.

 2

 Jainkoaren ganik tugu ukan dohain bereziak

 Itsas-hegi zelaietan oihanak eta mendiak

 Denak ongi satifatzen tu itzal eta iguzkiak

 Xoratuak itzultzen dira etortzen diren guziak.

 3

 Eskualduna denetan da elgarrendako anaia

 Guzietaz maitatua zeren den jende arraia

 Gero-re hola egoitera guziak gaiten entsaia

 Bed gora errespetatuz zaharrek utzi usaia.

 4

 Eskual-Herria delakotz Eskualdun guzien Ama

 Ume batek amarentzat bizi guzia derama,

 Beti gora atxik dezagun Eskual-Herriaren fama

 Eskualdun garbi atxikirik gorputza eta arima.

 5

 Eskual-Herria bat bainan zazpietan partitua

 Nafarro eta Alaba Bizkai eta Gipuzkoa

 Lapurdi ta Baxenabarre zazpigarren Xuberoa

 Denak elgarri junta gaiten segurtatzeko geroa.

 6

 Gure Eskual-Herria xoragarri baita zinez

 Bazterrak ere beteak udan emazte eta gizonez

 Bazterrak elgarri junta gaiten segurtatzeko geroa.

 Alegeraki etorriak asetzerat aire onez

 Penarekin dira itzultzen hemen hoin ongi izanez.

 7

 Eskual-Herrian badugu segur ainitz bizi-molde

 Laborari, komertzia bai-eta ofiziale

 Itsas haundian untziekin bada ainitz arrantzale

 Mendi mazela horietan artzainek zaintzen artalde.

 8

 Eskual-Herriak baditu pertsulari kantariak

 Plaza hoitan pilotari soinulari dantzariak

 Taulen gainean beti airoski oi zer teatrolariak

 Arbasoen ganik ditugu usaia hoiek guziak.

 9

 Mendi haundi eder bezain famatua baita Larrun

 Bi aldetako maxelak xutak ditu eta legun

 Bizi moldea izanik eer muntatua hortik urrun.

 Orroit gaiten Eskual-Herrian sortu garela Eskualdun.