Donadoen kantuak
Donadoa
1
Noizbeit hasten naiz kantatzen,
Phertsu berrien moldatzen,
Egia zombeit aithortzen;
Baldin gizona ez balin bada
Gazte delarik ezkontzen,
Hasiz geroztik zahartzen,
Sobera gogoetatzen,
Donado zaiku gelditzen.
2
Zuek, mutiko maiteak
Baziohazik urtheak,
Zorokeriaz betheak;
Dembora deno hobe tutzue
Hartzea zuen andreak,
Aberats edo pobreak,
Eman bezala zorteak,
Prestuak eta gazteak.
3
Beha Jaun Donadoeri,
Izpiritua maiz eri,
Nihon ez dire ageri;
Sukal zokoan yarriz geroztik,
Trunko batzuek iduri,
Zer izanen duten sari
Erran diotet bereri
Nihork ez hauk urrikari!
4
Donadoaren etcherat,
Zohaz guziz sukalderat,
Zer molde den ikusterat;
Han sua hila, bazterrak ilhun,
Jauna heldu da barnerat,
Badoha tupin beltzerat,
Gero eltcheto tcharrerat,
Afaldu gabe oherat!
5
Ohean ezin lokartuz,
Oren guziak kontatuz,
Nihon ezin deskantsatuz;
Ohetik pisu yeiki ondoan,
Nihondik ezin makurtuz,
Sua bera ezin phiztuz,
Ikasten dut neure gostuz,
Donado zahar geldituz!
|