Zertarako?

Iratzeder

 Zertarako begira

 Eskual-Herrian Eskuara?

 Zertarako, loretan, hain xoragarri den hura?

 Zertarako, zeruan, izar bakotxen dirdira;

 Eta bihotz barnetan, amodiozko pilpira?

 Zertarako begira

 Eskual-Herrian Eskuara?

 Zertarako, etxetan, hegalen peko goxoa?

 Zertarako, munduan, kantu xaharren leloa;

 Eta Jainko-Mintzoak gu baitan erein mintzoa?

 Zertarako begira

 Eskual-Herrian Eskuara?

 Zertarako jakin ba Jaunak eginak garela?

 Zertarako bilaka Harek,amestu bezala;

 Edo argi-hastetik jauz-araz argi zabala?

 Zertarako begira

 Eskual-Herrian Eskuara?