Frantsesak Madrilen
1
Mua zortzi ehun eta zortzigarrenean
Soldadu sartu ginen gu iñorantzian,
Zerbitzatu behar ginela printziaren guardian:
Egin ere badugu, behartu denian.
2
Arribatu ginenian Madrilgo hirian,
Begitarte egilia frango izatu ginian:
Nafartarrak ginela erraiten ziteian:
Heien aide jartzekoak behartzen zenian.
3
Maiatzako ilaren bigarrenian,
Errebolta sorturik Madrilgo hirian,
Hiritikan kasatu nahi gintezteian:
Ederki tronpaturik baitaude ordian.
4
Lauetan hogoi ginen kasernatik partitu;
Gero bi plazetara gintuzken partitu
Lehenbiziko sua ginuenian abiatu,
Ikus ahalak oro gintuen garbitu.
5
Chupa gorriekilan gu jinik plazara,
Burlaz ez zaizkiguna hasi berehala?
Madrillen uste zuten zezenak ginela,
Toleiatu beharrak mokanesekila.
6
Mokanesak airean, ipurdia lasto,
Oihuka ari ziren: «tira, tira, karako!»
Tiratu ginituen bi dozena tiro:
On zirenak joan ziren erran gabe adio!
7
Madrilgo andrek zuten konbertsazionea,
Desiratzen baitzuten gizon izaitea
«Frantses porroska ohiek zer demontre dira?
Dozena baten aski naun bertze batekila!»
8
Madrilen egin dute andrek lan ederra:
Eltze eta pitcharrak bota karrikara;
Lur-bacher-egilentzat ez da ez malurra
Lehengo bien sari saltzen da bakarra!
9
Ikusi zutenian gure bitoria,
Gurutze banarekin jin zauzkigun bia:
Bertzek kapotapetik harri-ukaldia;
Zer pena holakoen bizirik uztia!