Pilatus eta Piarres ttiki.
Pierre Dibarrarat.
1
Eztai ederrak Eskual-herrian
Egin ditugu ihauterian,
Bozkariorik haundienenean!
Bai, ahaideak gutaratzean
Adichkidekin bat egitean
Zoriona zen gure artean.
2
Nahiz ez ginen haundietarik,
Espos hekien bi aldetarik
Ginen eskualdun garbietarik:
Jakintsun haundi jaun hiritarrik
Zaiku ethorri batto bakharrik,
Itzultzekotan gu choraturik...
3
Udako egun bero garbian
Nola erlea loretegian,
Zagon jaun hura gure erdian;
Gu oro ichil, mintzo zenean;
Iduri saindu hastapenean,
Satan ttipi bat zen azkenean.
4
Jakintsun haren jakitatea
Da khoro-dunen laidostatzea,
Jainkoa baithan ez sinhestea;
Mundua eta gu egitea,
Ez deusetarik gauzen hastea,
Haren ustean da... suertea!
5
Erran du: "Ez da botheretsurik
"Gizona baino goragokorik,
"Guri gaztigu eman dironik;
"Ez da zorigaitz ez zorionik,
"Ez arimarik berechten denik.
"Denak akhabo hilez geroztik."
6
Zuhurren gisa mintzatu baitzen,
Gazte choroek sinhesten zuten,
Ustez osoki argitua zen.
Ez zen ez gaizki irriz asetzen,
Haren gezurra ez zela galtzen,
Toki onean zuela saltzen.
7
Lotsarik gabe zitzaion jeiki:
"Ichil zaite hor: ez mintza gaizki;
"Arras zorotzat gauzkatzu naski;
"Jakintsun zare, bainan ez aski;
"Tontoak ere zerbait badaki.
8
"Huna oilo bat mahain gainean.
"Arroltzea zen amaren pean,
"Gero chitoa, sortu zenean;
"Arroltzerik ez mundu hastean,
"Oilo lehenak errun artean...
"Nork du lehena eman lurrean?"
9
"Nungo gizonak deraut erranen:
"Gairik gabe dut lana eginen,
"Deus erain gabe sor-eraziren?
"Hastapenean hazirik ez zen;
"Ez deusetarik nork erain zuen?
"Ikhus-azu hor Jainkoa baden...
10
"Begira-zozu iguzki horri,
"Arratsaldeko ilhargiari,
"Gau izarratu garbienari:
"Zoin jakintsuk ditu ezarri?
"Jarraik-arazten tenoreari?
"Hots, erradazu: nor da gidari?"
11
Jaun haundi hori hari zen kantuz
Bizarra eskuz bihurdikatuz,
Gehiago deus ezin asmatuz;
Behin errana gero ukhatuz
Bere burua ezin garbituz
Hura zen hura tonto Pilatus!
12
Pilatus harek badu bai lagun:
Mila batean sei-zazpi ehun...
Hek utz ditzagun ahalaz urrun
Kantabre kasta, gauden fededun,
Jainkoa othoitz gau eta egun:
Gero zerua goza dezagun.