Bidarteko lamiña
Decrept, Ettiene
Gau batez, azken hazillan,
Lehor bidez nindabillan
Maiz ezti zaitan bezala,
Noiz, lamiñ zelakotz ezen,
Itsasotik alchatu zen
Emazte baten itzala,
Iduri, hain zen arina,
Ur arrapotik egiña,
Trabako zituen oñak,
Nahiz agertu orduko,
Nitarat helarazteko
Apaldu ziren tiroñak.
Etzen zahar, etzen gazte:
Bi adintsuak nahaste
Zauzkien begitartian...
Hortaz nuen asmatu, nik,
Etzela chori gizenik
Sartuko hunen hartian.
Gaitzitu zitzaion aski
Nik gogoratua naski
Zeren, bertze hitzik gabe,
Gora ihardetsi zautan
Aspaldiko demboratan
Zela Bidartera jabe.
«Ni ninzen zuen lamiña,
«Egiazko erregiña...
«Eta denen ontasunak.
«Batzuetan bat banazka.
«Bañan maizago ahurka,
«Eman dauzkitzuet denak.
«Zuen airia ezta hotz
«Hastetik duzuelakotz
«Nere hatsaz epheldua,
«Eta bi begiez behiñ
«Ukhitu baitut, hain urdiñ
«Dagoke zuen zerua.
«Ez baitziñezten, gaichuak,
«Bildotcha bezin malchuak,
«Zor dautzuet nigar asko...
«Hatik nigarrek, halere,
«Batzuten aski bothere
«Zuen aberatsazteko.
«Busti zituzten lurretan,
«ideki ziren, halatan,
«Hamabortz bat ithurbegi...
«Orai, itsaso bazterrak
«Derabillzkan ur bakharrak
«Zuentzat daudez zillegi.
«Eta delarik hoin eder,
«Sor ohatziari aiher
«Bazaitezkete oraño?
«Non, arrotzek beitiote
«Sosari behatu ote
«Dukezuen egundaño!...
«Lotzaizte berriz lanari,
«Ikhusiz zer diren hari
«Sahesteko bi herriak.
«Nahiz, atzo, entzun dutan
«Dituela, bero hautan,
«Idorrazi egarriak.»
|