Maiatza, Maria Birjinaren egunak
David, j. Mediku zaharra
ERREPIKA:
Otoiztera heldu nautzu, Maria.
Zure oinetarat eroria,
Gozatzeko izan dezan zoria
Zurekilan zeruko loria.
KOPLAK:
1
Maiatzeko egunak, zoin diren ederrak!
Berritzen ari dela iduri du lurrak:
Denetan lili, chori airosten bazterrak:
Jende onak bidaltzen Jaunari eskerrak.
2
Egun hauk Mariari berechiak dire;
Altcha, Girichtinoak, harentzat aldare:
Ekar edergailuak, ekar argi, lore
Guziz bihotz garbi bat, otoi, ekar ere.
3
Mariaren otoitzak laņoki egiten,
Bainan ez dakit nola, bihotza hunkitzen.
Arratsean, kantika denean kantatzen.
Ohartzen naiz, begitik nigar bat erortzen.
4
Makurrerat mendea zoin apal erori!
Gaichtoeri sariak... penak prestueri!
Munduaz asperturik, itzulzen naiz zuri.
Zuri, Maria, eta Jesus Jainkoari.
5
Oi! Jesus! aterazu Frantzia lezetik,
Sinhesterik batere ez dutenen ganik.
Altchaitzu prestu zenbeit, hek lagun eskutik;
Zuzenik ez ditake, zu kampo emanik.
6
Zorigaitzez lurrean gaizkia da nausi;
Eliza zimendutik nahi dua nahasi;
Pagano nahi luke oro bilakazi;
Krichtok egin duena nahi luke hantsi.
7
Har dezagun chedea oraitik betiko.
Guk gure sinhestea gora aitortzeko;
Ez girela heinean Jesus ukatzeko;
Etsaiari behatu tinki bekoz-beko.
8
Huna, Ama maitea, bilduak non giren;
Bihotzaren erditik dautzugu galdetzen,
Hemen giren guziak noizbeit kausi gaiten
Elgarrekin zeruan. Amen! Amen! Amen!