inprimatu
Profeta bati
Izenburua:
Profeta bati
Sinadura:
Davant, Jean Louis
Urkizaren iruzkina:
Egilea(k):
Davant, Jean Louis

Argitalpena:
Herria.
Urtea:
1979
Argitalpenaren urtea:
Alea:
1492.zk.
Orrialdea:
5

Profeta bati

 

Davant, Jean Louis

 

 1

 

 Hazparneko herrian zu baitzinen norbait,

 Egin nahi ginauzun omenaldi zerbait.

 Zure obra onetaz orroiturik noizbait,

 Guztiak zuri gaude, mezu baten goait.

 

 2

 

 Ohore arren zuri, jaunen jauna Broussain:

 Arbasoak baitzaudan hemengo Burgu-zain,

 Zu ere izan zara herritarren artzain

 Eta jakintsunekin hastetik Euskaltzain.

 

 3

 

 Artatzaile zuhurra eta bihozbera,

 Zaldiz egun edo gau karrikan behera,

 Baina ezin zuk ere guztiak atera,

 Sendagile bakarra baita Jauna bera.

 

 4

 

 Garai hartan ez baitzen alokaziņorik

 Ez eta erientzat asegurantzarik,

 Ardura medikua, berantxe deiturik,

 Jin bezala bazoan, elez ordaindurik.

 

 5

 

 Hamalaueko hura, zer itsuskeria!

 Han ifernua bazen, hemen miseria.

 Pobren aldeko gerlan, Broussain gudaria:

 Denei zabalik zauzkan etxe ta herria.

 

 6

 

 Laborantzaren aide oraiko xedetan

 Ordutik sarturik zen, kabale primetan,

 Etorkizun emagin herriko lurretan

 Eta zuhaitz ereile behar zen lekutan.

 

 7

 

 Hizkuntzari halaber idekiz atea,

 Euskaltzain agertu zen gure alkatea.

 Ez zen bazkal ondoko euskarazalea

 Baina urrats orotan aberrizalea.

 

 8

 

 Zazpi Euskal-Herriak herri eta lurrez

 Bat egin nahiz ez zen egoiten beldurrez.

 Hemen ari zelarik nafar-lapurtarrez,

 Bilbokoer idazten zuen bizkaitarrez.

 

 9

 

 Horren xedetarik zen Euskara Batua,

 Euskadi ere behar zuen askatua:

 Menderdi bat gu baino lehen ohartua

 Zenaren orroimena nola zen galdua?

 

 10

 

 Adin hoberenean deiturik Jainkoak,

 Utzi zituen haurzurtz herri huntakoak.

 Oi buruzagi hitsak horren ondokoak!

 Dugun aitor gorago direla gaurkoak...

 

 11

 

 Bi gerla haundiek hil zorian utzia,

 Itsentsu arrotzetan lo zagon herria.

 Amets galgarri hortan entzunik ortzia,

 Gaur kexu dugu baina erdi atzarria!

 

 12

 

 Gazte pizkor batzuei eskerrak, Broussainen

 Bidea kausiturik berriz Ahazparnen,

 Ez gara hura bezain baztertuak hemen.

 Profeta horrek, otoi, emaguzu kemen.


inprimatu