Meza sainduko kristau eskakizunak

Davant, Jean Louis

 Kristoren entzuleak

 elizan bildurik,

 Fedean bizitzeko

 ez ukan beldurrik!

 Indar eman diezagun

 maitasunarekin,

 Aitaren aitzinean

 dugun otoitz, egin.

 Estatua jainkotuz

 asko baita-galtzen,

 Jendea bego lehen

 eta ez infrentzuz!

 Munduko-gobernuak

 azkenean zentzuz

 Denen zerbitzatzeaz

 axola ditezen.

 Goiko izpiritua

 lurrean onartuz,

 Kulturaren indarra

 ezagut dezagun.

 Euskararen eskua

 orori luzatuz,

 Gogo berri batekin

 gaudela euskaldun.

 Euskara, lurra lana

 loturik elgarri,

 Bere libertatean

 errespetatua,

 Bakean bizi dadin

 euskal populua,

 Populuen artean

 jaunari kantari.