Lana
Davant, J.
Lan egiten zuten
doi jateko
eta jaten zuten
bizitzeko.
Bizi, gaizki ziren bizi
gure ongi hazteko.
Lan egiten dugu
asetzeko.
Asetzen gara
kontsomatzeko.
Eta kontsomatzen dugu
ekoizpenen xurgatzeko.
Berriz kontsomatzen dugu
soberakinen hurrupatzeko.
Eta berriz kontsomatzen dugu
mozkinen beti goratzeko.
Bizipidea dugu hazten
bizia izorratzen
aberats hiltzeko.
Eta lan
eta jan
eta lan
aberasteko.
Asetzen gara
eta asearen asez
leher egiten dugu
aberasturik ote
ala norentzat
edo zertarako?
Tripa bat bera
betetzeko
bizi bat bera
bizitzeko
eta besterik ezer
zertarako?
Lan egin bageneza
jateko
eta jan bageneza
bizitzeko
eta bazi baginte
zerbaitetako?
|