"H", atx

Davant-Iratzabal, Jon-Luis

 Beti gramatika

 Eta politika!

 Beti polemika,

 Hau da mekanika!

 1

 Ez-da-badan bero, bai eta minbera,

 Min hartu ondoan zorrozten sobera,

 Min egin orduko hainen bihotz-bera,

 Zalantza hortarik ezin naiz atera.

 Gure polemika

 Ez baita koblaka!

 2

 Euskal-Herriaren bere gaintasuna

 Eta lanarentzat ahal den zuzena,

 Hona gizartean lehenik zaitana

 Eta kexaturik ezarten naiana:

 Ene politika,

 Hau da polemika!

 3

 Herriaren alde borrokatu behar,

 Neke bada neke, bere gain dadin jar:

 Zenbaitek odola emaiten harentzat,

 Besteek izerdia zor dugu behintzat.

 Herriaren kezka

 Al da politika?

 4

 Batasun egarriz suia dizut pizten,

 Askatasun gosez bihotza giltzatzen.

 Zergatik etsaiez garare tronpatzen?

 Euskara erdarak derigu zapaltzen!

 Ene dialektika:

 Ez haurridei hilka.

 5

 Euskalzaintzan berri, ez ofiziokoa,

 Jarraikitzen dizut jakintsunagoa,

 Herriko bozketan berdin aurkakoa:

 Hor bidea ez dut politikakoa.

 Gure gramatika

 Ez da politika.

 6

 Euskaldunek nondik alkar entelega?

 Euskara Batua ezin dugu laga.

 Euskalki orotaz emeki hazirik,

 Bihotzetan txerta, lanaz ederturik.

 Gure gramatika

 Ez da mekanika.

 7

 Gramatika bego polemikatik at,

 Nahiz hortan ere nekez gararen bat.

 Euskara zerbitza hartan izkribatuz,

 Aberasturen da bakoitza, hautatuz.

 Ene gramatika

 Date poetika.

 8

 Herriaren kezka

 Bada politika,

 Lan egin dezagun,

 Nik ezker, zuk eskuin.

 9

 Euskararen kezka

 Bada gramatika,

 Ar gaiten koblaka

 Eta ez mokoka.

 10

 Musak otoitz eta

 Txirula har eta

 Jauts oro plazara

 Soinu egitera:

 Herria dantza dadila

 Plazer dukean bezala.