Geroko betiko
Davant, Jean Louis
1
«Ekonomia gaizki doakigülarik
Kültüra ützi behar dügü gibeletik.»
Hori ere jakintsü bati aditürik,
Ez nagoke itzalean, ahoa xabalik.
2
Jauna, zü ni bezala zira erakasle.
Dügün aitor girela jakintza saltzale.
Ene bizipidea hugünt ez nezake
Beste bat, arauz hona, segürtatü gabe.
3
Saltzen düdana ere mespretxa ez niro
Büri'apaltüz geroz, zer ezar gorago?
Eskiak Nina hazten, baina bizi oro
Eskiari bürütik horra zaio.
4
Eskiak eta hünak,alkarri josirik,
Siameko biraken gisa üztartürik,
Alkar heziz emeki, tximinokeriatik
Jelki güntien, aski lüzaz nekatürik.
5
Gaurko ekonomia jakintzak manatzen
Diala gure jaunek üdüriz ahazten.
Jakintza eskazian ez girade heltzen
Eta galte ikasiak Herritik joaiten.
6
Gazteak, lan eskasez, hebentik doatza,
Herriak dialarik jakin behar latza.
Hori galdüz, eskiak galtzen dü behatza
Eta gure Herriak orok esperantza.
7
Opilo hori nola motz diro Herriak?
Lanaren Gkaiteko lantegi berriak
Behar dütügü, arren, gazte jakintsiak
Heben koka, oroer idekiz begiak.
8
Jakintza ütz baleza gaurko Eüskaldünak,
Zer abantaila lüke lanik gabe denak?
Korpitzaren ogia galdürik dianak
Gurekin gal letzake bürü hontarzünak.
9
Gure kültüra ez da ez zahi axala
Baina orhe'altxatzen daiküna bezala,
Ez txoriaren lüma, bai haren hegala.
Bürütik ken lagünak haundien aztala!
10
Bizian xede baikoitz' aberastarzüna
Dianak galdürenko dü goxotarzüna,
Gogo-bihotzen pausü et'askatarzüna,
Entelegiarekin azkenik fortuna.
11
Aspaldian ütz et'ütz segan ari zaizkü.
Gaur üztea betiko dela badakigü.
Baina zoin kültüra ütz? Düdarik ez dügü
Frantzesa maite die 'ta gurea hügü.
12
Gurea hügü edo hartaz axolik ez:
Aisa daiki' erraiten noizbaiteko üztez!
Ez gira hürrün joanen holakoer behatzez.
Jaunkilloten aurrèan ez egon herabez!
13
Eüskarak oraidanik emaiten dü lana.
Ikastoletan eta eskolan gehiena,
Libürü salgietan ere zonbaitena,
Gero eta haboro koperatibena.
14
Kültüra geroko ütz, zer astokeria!
Goldearen atzetik nork ezar idia?
Gaitzaren sendotzeko nork ahatz eria?
Ogiaren egiteko, nork eho azia?
