inprimatu
Ume - burhaso gabea
Izenburua:
Ume - burhaso gabea
Sinadura:
Darroupe-Harluz
Urkizaren iruzkina:
Egilea(k):
Darroupe-Harluz

Argitalpena:
Escualduna.(Eskualduna).
Urtea:
1901
Argitalpenaren urtea:
14
Alea:
707.zk.
Orrialdea:
4

 

 

 

 

faksimilea ikusteko


Ume buraso gabea

 

Darroupe, M.

 

 1

 

 Nor othe dut aita, nor othe dut ama?

 Hori jakin nahiak mundutik narama;

 Zoin higuingarria

 Hain lotsagarria

 Baita nere fama;

 Hits-aldi huntarik

 Nola sendatzerik

 Ez dezaket asma.

 

 2

 

 Aditu nuenean seigarren urthean

 Kausitu nindutela ur-hegi batean;

 Sekulan geroztik

 Ezda sosegurik

 Ene bihotzean;

 Ez zen hain khaltea

 Lurpean sartzea

 Sortzean berean.

 

 3

 

 Aitaz ere bai baiņan amaz gehiago,

 Haren bihotz gogorraz harriturik nago;

 Harembat abere

 Gaistoenak ere

 Dire hobeago,

 Munduan bertzerik

 Ez dute umerik

 Baino maiteago.

 

 4

 

 Aita zurea othe edo amarena,

 Zoinek izan zinduten hoben gehiena?

 Ha! aita tristea!

 Ni beldur zurea

 Zela hastapena;

 Beraz, zuregatik

 Pairatu behar nik

 Hunembertze pena.

 

 5

 

 Menturaz sorthu gabe ninduzun ukhatu

 Ene ama ez nahiz emastetzat hartu;

 Orduan berean

 Haren bihotzean

 Etsaia zen sarthu;

 Harek lagundurik

 Burua galdurik

 Ninduen botatu.

 

 6

 

 Biziaren goibela bethi gogoetan!

 Dakidalarik segur enetzat khaltetan:

 Egun bakhotchean

 Nahi ber-berean

 Gauaz ametsetan

 Jauna! ni baitharat

 Paira-bide on bat

 Zure izenean!

 

 7

 

 Zareten bezalako ene burhasoak

 Horra zuen gaizkiek zer ondorioak!

 Bat eta bertzea

 Hola gerthatzea

 Hoin herbal zoroak;

 Ama zure gatik

 Ditut gehienik

 Oņhaze oihuak.

 

 8

 

 Ahantzia nauzula nik ez dut sinhesten.

 Baiņan agertze horrek zaitu ahalkatzen;

 Bai etsaien lantzek

 Sistatu bihotzek

 Lan dute sendatzen;

 Ene arabera,

 Zuri zauri bera

 Baitzaitzu gerthatzen.

 

 9

 

 Eritasun handia zer da handiago,

 Ezin ukhanaren den gogo mina baino?

 Gaitz-horrek hartua

 Ezin sendatua

 Nola ni bainago;

 Burutik utziak

 Banitu guziak

 Nuke hobeago.

 

 10

 

 Adios aita ama bihotzik gabeak!

 Etsaiaren azpiko zareten tristeak!

 Azken orenetan

 Nigar marrasketan

 Gure onhazeak!

 Nola harrapatu

 Behar othe gaitu

 Eternitateak?

 

 11

 

 Oraino, baldin ere bizi bazarete,

 Aithor berandu baten ordu zindukete;

 Munduko ospeek

 Atsegin guziek,

 Ahitze bat dute;

 Zuen huts handiek,

 Oren lazgarriek

 Hunki bezaitzate!

 


inprimatu