Dozenatxo bat bertso
nai nituzke jarri
jayetan kantatzeko
entretenigarri,
nere publikatzia,
izango da sarri
alabantzak emanaz
zenbait neska zarri.
Neska zar bat tentatzen
asi naiz lenguan
izan ere alako
polita zeguan,
umill eta seriyo
itz egin genduan
baño gusto guziyak
ez dira munduan.
Izketan asi giñan
biyak goxo goxo,
ezkontzeko mandatu
egin diyot atzo;
leyotikan ujuka
ama ta bi atso;
Ez dek arrapatuko
uste bezin mantso.
Ama preparatu zait
aserrez betia,
lenbiziko ujuba:
¿Zenbat dek dotia?
Ainbeste kostatako
alaba maitia
lastima izango dek
iri ematia.
Nere fameliyari
errespetoz eldu,
inozente daudenak
ez ditezen galdu,
diru truka alaba
nai zenduke saldu,
¿lenago gustokorik
ez altzayo azaldu?
Nere jakinduriya
ari da asetzen
errex dala uste du
zenbaitek ezkontzen;
promesa on bat egin da
ezpazera ontzen
lanak izango dira
zurekin konpontzen.
Ez dezu sinistu nai
egiya esandare,
zintzua nai genduke
pobria izandare,
¿gure baztarrak baño
obiak nun dare
alabari sasoya
pixka bat juandare?
Bere alabarentzat
orrenbeste fama,
nik ez det sinistatzen,
aiziak darama,
zure baztarrian nik
egitia lana,
izan liteke baña
Ez aldala uste dek
orren errespuestik?
atarramentu onik
mutil zarrak ez dik,
nere alabak ez dauka
ezkontzeko kezkik
i ez bezelakua
nai ezta zekazkik.
Itz bat esan bier det
nere borondatez,
ez banau iñork lotzen
grilluz edo katez,
ezkontzeko ideak
banituan ustez,
ardua maitatzen det
andriaren partez.
-Mutill malizioso
deabruz betia
ez dizut zabalduko
geyago atia,
beñere etzaitut izandu
biotzez maitia,
nigandik libre zera
or konpon zaitia.
Orra amabi bertso
oraingo berriyak
bere andregayari
"Txirrita"k jarriyak,
eman dizkit desgusto
ikaragarriyak;
negar egin lezake
nigatik arriyak.
|