Donostiar kantak

 San Bizente kalian

 (etzekit lumero)

 ortxe bizi omen dek

 Tripatx arrakero.

 Ez gauzarikan utzi

 inguruan gero!...

 atzaparra botatzen

 ez dek egoten lo!...

 Gañera berriz Mertxil,

 ille-gorritsua...

 onek lapurrak dizkik

 esku ta besua...

 zapagillea dek,

 bertan ingurdua...

 orla eramaten dik

 ziplaka dirua.

 Gañera Zurriyolan,

 Bakako kalian,

 antxe bizi dek Pipax

 irugarrenian...

 Etxetik atxamarta

 bota-ta batian,

 arrapala guziya

 zeramak aidian.

 Kale xarpa oyetan,

 nola bizi, bizi?...

 orregatik jendia

 baziak igesi,

 Lapur oyen zaitzalle

 zeladore Gati,

 bota ditek lurrera

 txapela ta guzi!...

 Banatxiak ni ere

 emendik bestera,

 Bulebarrian gora

 Son Martin aldera;

 bañan etxe-aldatze

 egin-da batera,

 lapurtu zizkidatek

 krispi ta padera.

 Alderdi guziyetan

 arrakeroak bai!...

 xarpo-xarpaka beti

 besteren gauza nai.

 Emen natxiok erne

 izerdi-patzez bai,

 maki1 aundi batekin

 litxarreruen zai!...