Denbora, leku, Zeru ta lurrak,
izar da illargi, eguzkiyak,
Kristaba, aizia, animaliyak
Ur gezak eta gaziyak
Aita Eternuak sei egunian
Egin zituan guziyak
Merezi du ta eman zaizkagun
Eskerrak eta graziyak.
Aita Eternuak, Adan eta Eba
Egin zituan aurrena
Lendabiziko gizasemea
Emakumia urrena
Baratza frutaz bete betian
Sartu zituan barrena
Baņan etzuten ondo kunplitu
Eman ziyoten ordena.
Demonioak ziyon Ebari:
Fruta artatik jan zazu
Aita Eternuak dakien ainbat
Orduan jakingo dezu
Berak ori nai eztubelako
Zuri debekatu dizu
Orra esan nik egiya bat
Gusto dezuna izazu.
Allegatu zan Adan ta Ebari
Fruta ortatik jatia
Etzan posible mundu ontatik
Iņor Zerura juatia
Oyek kunplitu etzutelako
Jaunaren borondatia
Itxi ziguten guziyentzako
Zabalik zegon atia.
Adan da Ebaren, Kain da Abel
Igualak izan eztia,
Inbiriyaren gorrotu gaiztoz
Iltzuten batek bestia
Arrazoyaren biderik gabe
Anaya zarrak gaztia
Alakuari kostako zaye
Zeruba irabaztia.
Lau milla urtian egondu ziran
Zeruko atiak itxita
Zenbait anima triste bazegon
Linbo beltzera jetxita,
Betiko ala biarko zala
Beren artian etzita
Zori onian egin zioten
Salbadoriak bisita.
Aldan maizena erraza zagun
Nere Jesukristo Jauna
Jakiņik dala Jaungoiko eta
Gizon egiazko ona
Gurutze pisu baten azpiyan
Ain gogoz iltzera juana
Guri atiak zabaldu eta
Orain Zeruan dagona.
Kristau guziyak siņista zagun.
Eskriturak dakarrena
Zeru ta lurren agintariya
Jesukristo da aurrena
Eskubidiak arrek emanda
Aita Santua urrena,
Batikanoko artzai umilla
Pio amaikagarrena.
Kristoren bidez Apostoluak
Zabaldu zuten klerua
Ayen autikan ateria da
Lendabiziko Kredua
Mandamentu ta artikuluak
Dotriņan dauden modua
Oyek sinisten eztituenik
Ezta sartuko Zerua.
Aita Santua Erroman dago
Oso gizon seriyua
Abisatzen du gaņian dala
Gizonarentzat eriyua
Gaiztuenari barkatutzeko
Bada erremeriyua
Orrengatikan deitzen diyogu
Kristoren bikariyua.
Amaika bider letu izan det
Lengo Dotriņa zarretik
Gezurra esanda ez gera libre
Pekatuaren zorretik,
Bi bidetara partitu biegu
Jesukristoren aurretik,
Ezkerre juaten danako aldetik
Pagatuko du larrutik.
Kondenatu azken fiņeko
Penagarrizko pausuak
Bi itz bakarrak esango dizka
Gure Jaun amorosuak:
Orain ez dago bazkaziyorik
Kunplitu dira plazuak
Zere pagua emango dizu
Serbitu dezun maisuak.