Arantza
Denbora leku Zeru ta lurrak
izar da illargi eguzkiyak
kristaba aizia animaliyak
ur gezak eta gaziyak
Aita Eternuak sei egunian
egin zituan guziyak
merezi du ta eman zaizkagun
eskerrak eta graziyak.
Aita Eternuak Adan da Eba
egin zituan aurrena
lendabiziko gizasemia
emakumia urrena
baratza frutaz bete betia
sartu zituan barrena
baņan etzuten ondo kunplitu
eman ziyoten ordena.
Demonioak ziyon Eba'ri
fruta artatik jan zazu
Aita Eternuak dakien ainbat
orduan jakingo dezu
berak ori nai ez dubelako
zuri debekatu dizu
orra esan nik egiya eta
orain naizuna egizu.
Allegatu zan Adan da Ebak
fruta artatik jatia
etzan posible mundu ontatik
iņor zerura juatia
oyek kunplitu etzutelako
Jaunaren borondatia
itxi ziguten guzientzako
zabalik zegon atia.
Adan da Eba'ren, Kain da Abel
igualak izan etziran
inbidiyaren gorroto gaiztoz
il zuen batek bestia
arrazoyaren biderik gabe
anaya zarrak gaztia
alakuari kostako zayo
zerua irabaztea.
Lau milla urtian egondu ziran
zeruko atiak itxita
zenbait anima triste bazegon
linbo beltzera jetxita
betiko ala biarko zala
beren urtian etsita
zorionian egin ziyoten
Salbadoriak bisita.
Al dan maizena erreza zagun
Jesukristo nere Jauna
jakiņik dala Jaungoiko eta
gizon egiazko ona
gurutze pisu baten azpiyan
ain gogoz iltzera juana
guri atiak zabaldu eta
orain zeruan dagona.
Kristau guziyak sinista zagun
eskriturak dakarrena
zeru ta lurren agintariya
Jesukristo da aurrena
eskubidiak arrek emanda
Aita Santua urrena
Batikanoko artzai umilla
Pio amaikagarrena.
Kristoren bidez Apostoluak
zabaldu zuten klerua
ayen autikan ateria da
lendabiziko kredua
mandamentu ta artikuluak
dotriņan dauden moduan
oyek sinisten ez dituenik
ez da sartuko zeruan.
Aita Santua Erroma'n dago
oso gizon seriyua
abisatzen gaņian dala
guziontzat erigua
gaiztuenari barkatutzeko
badu erremeriyua
orrengatikan deitzen diyogu
Kristoren bikariyua.
Amaika bider letu izan det
lengo dotriņa zarretik
gezurra esan da ez gera libre
pekatuaren zosetik
bi bideetara partitu biegu
Jesukristoren aurretik
ezkerretatik juaten danak
pagatuko du larrutik.
Kondenatuen azken fiņeko
penagarrizko pausuak
bi itz bakarrak esango dizka
gure Jaun amorosuak
oraņ ez dago barkaziyorik
kunplitu dira plazuak
zere pagua emango dizu
serbitu dezun maisuak.