Dabid'en VIII eresia

 1. Ardogintzakoa. Abesburuari.

 2. Jaun, gure Jauna! Zure izena

 bai arrigarri lurbira oaoan!

 Zure aunditasuna zeru-gain jarri dozu.

 3. Etsaien aurka, ume ta bularrekoen aotik

 zeure gorapena gertatu oi dozu,

 arerio ta iraintzaillea galgatzeko.

 4. Zeru orreik, Zeuk beatzez egiñak ikusiz,

 illargi ta izar Zuk eratuak, diñot:

 5. Zer da gizona, Zu beraz gogoratzeko?

 edo gizasemea, aren ardura Zuk izateko?

 6. Aingeruak baiño zerbait txikiago,

 aintza ta deduz koroatu zenduan;

 7. Zure eskuz egindakoen gain jarri zendun

 guztia aren oin azpian ipiñirik;

 8. Ardi ta idi, ziran guztiak,

 bai ta basoetako piztiak be;

 9. Aireko txori ta itxasoko arrain:

 itxas-zear dabillen guzti-guztia.

 10. Jaun, gure Jauna! Zure izena

 bai arrigarri lurbira osoan!