Dabid'en VII eresia
1.
Dabid'en erestu, Kus Benjamindarraren arazoz.
2.
Jaun, ene Jainko, Zugana nator igeska;
etsai guztiengandik jagon ta onez atara nagizu.
3.
Iņok ostu ez dagidan, leoi lez, ene bizia,
zatitu ez daidan, nok, azkatu ez dodalarik.
4.
Jaun, ene Jainko, nik olakorik egin ba'dot.
nire eskuetan gaiztakeririk ba'lego,
5.
Nire adiskideari txarrik biurtu ba'dautsot,
kalte billa neukazanak zapaldu baldin ba'ditut:
6.
Esetsi begit arerioak arimea ta atz-emon,
lurrera eratsi begit daukadan bizia,
ta autseraiņo amildu nire entzutea.
7.
Zutitu zaite, Jauna, zeure asarre bizian,
gora zaite zapaltzen nabenen sumiņaren aurka,
eta jagi zaitez neure alde ebatzi-epaian.
8.
Eta inguratu zaizala erri-batzar aundiak,
eta aren gain zu ezarri zaitezala goi-goian.
9.
Jauna da errien epailari.
Ebatzi nire auzia, Jauna, neure zuzen-neurriz,
eta nire erru bakotasunari dagokionea.
10.
Amaitu bedi gaizkiņen txarra, ta sendotu zindoa,
biotz-gultzurrunen azterle zarean Jainko zuzen!
11.
Besoen babeski yat goiko Jauna,
biotzez zuzen diranak gaizkatzen ditu.
12.
Epaille arteza da Jaungoikoa,
alan be egunero asarreari emona.
13.
Dongak onera ez ba'letoz, ezpata zorroztuko,
arrandela zabal, noiz jaurtiko dauka;
14.
Eriotza izkilluak dautsiez gertatuko,
bere geziak su gori biurturikan.
15.
Or, gaiztoak gaitza sortu, ta txarrez gaiņezka,
maltzurkeria dakar argitara.
16.
Zuloa atxurtu dau ta sakonagotu,
baiņa egin obian berbera jausi da.
17.
Bere gaiztakeria buru gain datorkioke,
ta kaska gaiņera itzuliko bere zakarra.
18.
Nik barriz Jauna goratuko dot, zuzen baita,
Jaun goi-goikoaren izenari eresia joko.
