Zuberoa
Yoanes Garaztarra
1
Ezagutzen duzia, Zubera phartia,
Eskual-Herri guzian lekhu aiphatia?
Han izatu niz eta nago choratia;
Balio du gaur hartaz bi hitz erratia.
2
Mendi goren inguru oihanak handirik;
Zelhaiak gain gainetan zabal ta pherderik;
Zolan aldiz urdoki nasaiak ederrik:
Zuberako kampoa hola da eginik.
3
Hantchet etche multcho bat, herritto bat duzu;
Haratchago bertze bat berdin ikus zazu;
Ez ilhun, ez ba churi ageri ditugu.
Hetan daude alegre muthil lerden batzu,
4
Ahuņeraino ere dir'egon tokiak
Arthaldi ederrekin bizi han yendiak;
Orkhatzak bezein sano derade guziak:
Indarrak emendatzen tu libertatiak.
5
Horra Zuberatarra non dagon lanian;
Goizik hasia eta han da ilhunian.
Lau egunez hark ez du oren bat phausian.
Urhiak gero baitu molxatto luzian.
6
Agudo ta zuhurra, bainan ez zikhoitza;
Egunttu batzuz harek arin du bihotza:
Yan, edan, dantza eta goratik-an botza;
Adiskidekin ez du behinere hotza.
7
Phest' arratsaldi batez, zoazi plazara.
Chirulak yoiten badu han dantza zaharra,
Ikhus Zuberatarrak zalhu nol'ainhera;
Ochala! guk bagindu hen izterzain bera!
8
Merkhatuko eguna hor heldu denian.
Zuberatarra doa makila eskian,
Espartin churietan zangoak gustian;
Etcherako othe da arratsen bakian.
9
Zuberatarņo horren makhur handiena:
Makhila ibiltzeko hura da lehena:
Adiskidetzat bethi gizon hoberena;
Bakia maite eta gerlaz ez du phena.
10
Laphurtarrak irri bat Zuberarendako,
Batre ez omen hati trufa egiteko;
Han tu buru, zangoak khausitzen zalhusko.
Zolatik-gain gizonak eginak berdinsko.
11
Zuberatarrak dio: Badea makharrik.
Zolaren arabera gaina den eginik?
Zer kaskoa nuken baitu dilindan gerritik?
Kintal bat Laphurtarren alderdi pizutik?
12
Bachinabartar hori mintzo da bieri:
Bib' Eskualdun guziak! Amodio elgarri!
Dugun pilotan eta bai izan dantzari;
Egun batzuez ere oro bertsulari.