Euskara

Casenave-Harigile, Junes

 1

 Maiatzaz, goizian goizik,

 Banua bidia gaintik,

 Bi ürhatsen egitera,

 Aidiaren gozatzera.

 2

 Gaizetzaz ixüratürik,

 Bai eta lillüratürik,

 Ametsez bertan nabila

 Boztarioaren bilha.

 3

 Oillarra oillautegitik,

 Kükürrüküz ortzunduan

 Han xoxua, adarretik,

 Hüstülotsez ortzunduan.

 4

 Ta marrakaz ortzunduan,

 Sorhuetarik ardiak;

 Harat goiti, txakürrak,

 Txanpalotsez ortzunduan.

 5

 Bere mintzuan bakhotxak

 Emaiten du ahaidia;

 Eüskara diala mintzoka

 Entzün ziniro jentia.

 6

 Eüskara, Eüskara bedi

 Arren pitz güzietara,

 Eüskara, Eüskara bethi

 Eüskal-Herri orotara.

 7

 Haurrak, kanpuan, barnian,

 Ezin beste mintzatürik,

 Eüskaraz berartetarik

 Ari dira ozargian.

 8

 Ozargian, ozargian,

 Nekezale, langiliak,

 Bai eta arrantzaliak

 Eüskaraz Eüskal-Herrian.

 9

 Elizetan ozargian,

 Argi Eüskaldünen botzak;

 Eüskaraz art güziak

 Othoitzian ozargian.

 10

 Eüskara da zabalian

 Elhestatzen ozargian,

 Kharriketan, hirietan

 Herri ta basherrietan.

 11

 Eüskara beita sortharoz

 Heben gure mintzajia,

 Aiphatzen dut ahal oroz:

 Eüskara dut berhezgoa.

 12

 Eüskara dut berhezgoa

 Aitametarik ükhenik:

 Etxek dezadan mengoa

 Eztadin itzal herritik.

 13

 Aitamen emaitzetarik

 Edireiten dut erroa,

 Eta aiten aitetarik

 Eüskara dut berhezgoa.

 14

 Eüskal-Herriaren gaintik,

 Güziak dira Eüskaldün,

 Eskualde bakhotxetarik,

 Güziak sortzen Eüskaldün.

 15

 Hiriz hiri, Herriz herri,

 Har nezatela Eüskaldün,

 Eüskal-Herriaren gaintik,

 Güziak dira Eüskaldün.