Orain inork behar ez duen aulkia
Carriego, Evaristo
Begirada mahaigaineko kopan iltzatua
aspalditxotik zegoen aita gogoetan;
platerari uko egin dio oraintxe bertan;
zopa ikutu barik, irentsi txistua.
Noizean behin, ezkutuka ia,
isilean bata edo bestearen begirada
aulkizahar hutseraino heltzen da
norbaitek, ahaztuta, aurrean ipinia.
Eta aurpegiak oro ilundu ahala
koilaren hotsa eten da bereahala
zeren temaz, ihes egiten ez duen
ideia iraunkor horrek bultzatua legez,
mutikoetatik gazteenak galdetu duen
amaren itzulera noiz denez.